Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Шавкат Мирзиёев Олмазор туманига ташриф буюрди
21.04.2017 18:37,  
26

Ўзбекистон Президенти Шавкат Мирзиёев 21 апрель куни Олмазор туманида барпо этиладиган янги савдо маркази лойиҳаси билан танишди. Бу ҳақда ЎзА хабар бермоқда.

Олмазор туманининг Нурафшон ва Форобий кўчалари кесишган жойда уч қаватли «Эски шаҳар» савдо маркази барпо этилади.

Бу ерда харидорларга қўшимча қулайликлар яратиш мақсадида кафе, галерея, болалар ўйин майдончалари, автомобиллар тўхташ жойи ва бошқа объектлар қурилади.

Марказ ишга тушгач, 250 киши иш билан таъминланади.

Шавкат Мирзиёев мазкур савдо комплекси қуриладиган жойни кўздан кечирди. Марказнинг учинчи қаватида «Китоб олами» дўкони ва тарихий фильмлар намойиш қилинадиган кинозал барпо этиш кераклигини таъкидлади.

"Пойтахтимизда бундай йирик иншоотни барпо этишдан мақсад Эски шаҳар аҳолисининг турмуш фаровонлигини янада оширишдир, — деди Шавкат Мирзиёев. — Бунинг учун комплексни замонавий архитектура талаблари асосида мукаммал қуриш, атрофини ободонлаштириш, одамларга қулайликлар яратишга алоҳида эътибор қаратиш зарур".

Мутасадди раҳбарларга 2018 йил Наврўз байрамигача мазкур объектни фойдаланишга топшириш бўйича топшириқлар берилди.

Шавкат Мирзиёев шу йил 3 февраль куни Тошкент шаҳрида амалга оширилаётган бунёдкорлик ишлари ва йирик лойиҳалар билан танишиш чоғида аҳолининг эҳтиёжи, талабидан келиб чиқиб, пойтахтнинг барча туманларида кўп қаватли замонавий арзон уйлар қуриш режалаштирилаётганини айтган эди. Президентнинг 2017-2021 йилларда Тошкент шаҳрида кўп қаватли арзон уйларни қуриш миқёсини кенгайтириш бўйича қўшимча чора-тадбирлар тўғрисидаги қарори бу борадаги ишларни тизимли йўлга қўйишда дастуриламал бўлмоқда.

Мазкур ҳужжатга мувофиқ Кичик халқа йўли ва Қорасарой кўчалари оралиғида 7 қаватли 12 турар-жой барпо этиш бўйича лойиҳа ишлаб чиқилди. 800 хонадонга мўлжалланган ушбу уйлар эҳтиёжманд оилаларнинг яшаш шароитини яхшилаш, уларни арзон, замонавий уй билан таъминлашда муҳим аҳамият касб этади.

Президент мазкур уйларда яшовчи оилалар рўйхатини шакллантириб, сўнг қурилишни бошлаш кераклигини таъкидлади. Бунда Эски шаҳарда яшовчи уй-жойга муҳтож оилаларни ҳисобга олиш, уйлар тақсимотида адолат мезонларига қатъий риоя этилиши зарурлиги қайд этилди.

Уйларни қуриш учун 5 гектардан зиёд ер ажратилади. Турар жойларни лойиҳалаштиришда маҳаллий иқлим шароити, санитария ва хавфсизлик талаблари ҳамда ўзбек халқининг миллий ҳаёт тарзига хос бошқа жиҳатлар ҳисобга олинган.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан