Сурия президенти Башар Асад БМТ Бош котиби Антониу Гутерришдан мамлакат ҳукумати ва халқига нисбатан билдирилган энг илиқ ниятлар битилган табрик телеграммасини қабул қилиб олди. Бу ҳақда SANA ахборот агентлиги хабар бермоқда.
Гутерреш ўз мактубида Дамашқ БМТни мустаҳкамлаш ҳамда тинчлик ва инсон ҳуқуқларини ҳимоя қилишда ўз улушини қўшишига умид билдирган.
«Жорий йилнинг бошида мен инсоният интилаётган тараққиёт ва барқарорлик учун, Бирлашган Миллатлар Ташкилоти Низомида белгиланган қадриятлар учун бутун дунёда тинчликни мустаҳкамлашга чақирдим», — дейилади телеграммада.
«Сизнинг мамлакатингиз БМТ мустаҳкамланишига ҳамда тинчлик, тараққиёт ва инсон ҳуқуқларини муҳофаза қилиш бўйича ҳамкорликдаги ҳаракатларимизни тарғиб қилишга ўз ҳиссасини қўшади, деб умид қиламан», — деб қайд этди Гутерриш ўз мактубида.
17 апрелда Сурияда мамлакат мустақиллигининг 71 йиллиги нишонланди. Ушбу муносабат билан ўтказилган тантанали маросим Дамашқдаги Касиюн тоғида бўлиб ўтди. Бу ерда ёдгорлик мажмуаси бор. Сўнгра бутун мамлакат бўйлаб намойишлар ва байрам концертлари бўлиб ўтган.