Испания чемпионатининг 33-туридан ўрин олган «Реал» ва «Барселона» жамоалари ўртасидаги учрашувда меҳмонлар 3:2 ҳисобида ғалаба қозониб, турнир жадвалида пешқадамга айланиб олишганди, деб ёзмоқда Tribuna.uz сайти.
«Барселона»нинг муҳим учрашувдаги ғалабаси дунёнинг турли бурчакларида турлича қарши олинди. Жумладан Ўзбекистонда ҳам мухлислар ўзига хос чиқишлари билан ажралиб туришди.
Наманган шаҳридаги Сардоба улгуржи бозорида бир гуруҳ «Барса» фанатлари ғалаба шарафига махсус баннер тайёрлаб унга «Шармандаларча мағлубият» деган ёзувни туширишган.
Эслатиб ўтамиз, олдин бўлиб ўтган «Эль-класико»да бир неча жойларда карнай-сурнайлар орқали мухлислар байрам қилгани тўғрисида видеолар тарқалганди.