AҚШ ҳукумати 2018 йилда Давлат департаменти йўналиши бўйича Ўзбекистонга бериладиган молиявий ёрдам миқдорини 4,4 фоизга — 9,3 млн. долларгача оширади, деб хабар берди Foreign Policy.

Шуниси эътиборлики, 2018 йилги бюджет лойиҳасида Украинага ёрдам ҳажми 68,8 фоизга — 570 млн. доллардан 177 млн. долларга тушган. Бир қатор мамлакатлар: Арманистон (илгарироқ 17,6 млн. доллар ажратиш режалаштирилганди), Озарбайжон ва Беларуссия (7,7 млн. доллардан), Грузия (47,5 млн. доллар), Қозоғистон (6,1 млн. доллар), Туркманистон (3,9 млн. доллар) ва бошқа қатор давлатларга Давлат департаменти йўналиши бўйича маблағ ажратиш бутунлай бекор қилинган.

Давлат департаменти шунингдек, Қирғизистон ва Тожикистонга молиявий ёрдам ҳажмини мос равишда 60 ва 47,6 фоизга қисқартирди.