Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Ўзбекистонда ўрта таълим қандай ўзгаришларга учрайди?
26.04.2017 12:54,  
7

Ўзбекистон Миллий матбуот марказида таълим сифати ва самарадорлигини юксалтиришга оид амалий ишлар ва истиқболдаги устувор вазифаларга бағишланган матбуот анжумани бўлиб ўтди.

Тадбирда «Ўзбекистон Республикасини янада ривожлантириш бўйича Ҳаракатлар стратегияси»нинг «Ижтимоий соҳани ривожлантиришнинг устувор йўналишлари» деб номланган 4-йўналиши бўйича халқ таълими тизимида амалга ошириладиган устувор вазифалар ҳақида батафсил маълумот берилди.

Вазирлик умумий ўрта таълим тизимига жорий қилинаётган ўзгаришлар ҳақида гапириб берди. Ушбу янгиликлар Ҳаракатлар стратегиясидаги вазифалардан келиб чиққан ҳамда Вазирлар Маҳкамасининг 2017 йил 15 мартдаги «Умумий ўрта таълим тўғрисидаги низомни тасдиқлаш ҳақида»ги 140-сонли ҳамда  2017 йил 6 апрелдаги “Умумий ўрта ва ўрта махсус, касб-ҳунар таълимининг давлат таълим стандартларини тасдиқлаш тўғрисида»ги қарорлари билан тасдиқланган.

Mажбурий таълим учун 18 та умумий таълим фанлари бўйича давлат стандартлари («9+3» схемаси бўйича) энди таълимнинг узлуксиз бўлишини кўзда тутади.

I-IV синф ўқувчиларида ахборот технологиялари бўйича бошланғич билимлар ҳосил бўлиши учун математика дарси дастурига дастурлаш асослари киритилади.

«Информатика ва ҳисоблаш техникаси асослари» фани «Информатика ва ахборот технологиялари» деб қайта номланади. «Меҳнат таълими» энди «Технологиялар» деб номланади ва кенгайтирилган йўналишларни ўз ичига олади.

Болаларда кичик ёшдан мантиқий фикрлашни ривожлантириш мақсадида «Жисмоний тарбия» фани бўйича стандарт шахмат ўйнашни ўргатишни кўзда тутувчи меъёр билан тўлдирилди.

Такомиллаштирилган стандартлар 2017—2021 йиллар давомида босқичма-босқич жорий қилинади.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан