26 апрель куни Тошкент шаҳар Олмазор тумани “Татарский поворот” ва “Чуқурсой” кўчалари кесишувида жойлашган “Black Door” МЧЖга қарашли мебель ишлаб чиқариш цехида ёнғин чиққан.
Тошкент шаҳар Ёнғин хавфсизлиги бошқармаси томонидан берилган маълумотларга кўра, ёнғин катта майдонга тарқалганлиги инобатга олиниб, қўшимча равишда яна 5 та, жами бўлиб 9 та жанговар ёнғин ўчириш бўлинмалари юборилган.
Тезкор чора-тадбирлар натижасида ёнғин бир соат ичида тўлиқ бартараф этилган. Ҳодиса оқибатида цех ва жиҳозлар жами бўлиб 300 кв.метр майдон ёниб кетган.
Ҳозирда ёнғин сабаблари ўрганилмоқда.