Ўзбекистон МХХ Давлат чегараларини ҳимоя қилиш қўмитаси ўтган йилда 22 876 нафар қоидабузарни қўлга олди. Бу ҳақда 28 апрель куни брифингда қўмита вакили маълум қилди.
Қўлга олинганлар орасида 7343 нафари — давлат чегараларини бузиб ўтган, 6887 нафари — чегара тартибини бузган, 7272 киши — чегара қоидасини бузган ва 1374 нафари — Ўзбекистон Республикасида бўлиш тартибини бузган.
Халқаро террорчилик ташкилотларига алоқадор бир киши ва қидирувда бўлган ўн нафар шахс қўлга олинган.
Бундан ташқари, қўмита томонидан 271 дона қурол-аслаҳа, жумладан, 4 дона ўқотар қурол, 255 дона ов милтиғи, 12 дона пневматик қурол, 13453 дона ўқ-дори, 2 дона “Ф-1” гранатаси ва 3,6 кг портловчи моддалари чегарадан олиб ўтилишининг олди олинган.
Шунингдек, ўтган давр мобайнида чегарачилар 205 кгдан ортиқ наркотик воситалар контрабандасига чек қўйди.