Оқсаройда Ислом Каримов ҳайкалини ўрнатиш ишлари бошланди (фото)
30.04.2017 11:24,
9
Тошкентдаги Оқсарой қароргоҳида Ўзбекистоннинг Биринчи Президенти Ислом Каримов ҳайкалини ўрнатиш бўйича лойиҳа ишлари бошланди. Бу ҳақда UzNews хабар бермоқда.
Суратда бўлажак ёдгорлик супаси ўрнатилган ва қароргоҳ ҳудудида ободонлаштириш ишлари олиб борилаётганини кўриш мумкин.
Ўзбекистоннинг Биринчи Президенти Ислом Каримов ҳайкалини яратиш бўйича халқаро танловда Ўзбекистон, Туркманистон, Украина, Жанубий Корея, Италия, Австралия ва Германиядан 58 нафар ҳайкалтарош иштирок этди. Жами 68 та лойиҳа тақдим этилди.
Аввалроқ Ислом Каримов ҳайкали лойиҳаси бўйича танлов ўтказилгани ва унда Илҳом Жабборов ғолиб бўлгани ҳақида хабар берган эдик.
