Филиппин президенти Родриго Дутерте АҚШни КХДР билан ўйнашиб ўтирмасликка, унинг фойдасига иш қилиб қўймасликка, Ким Жонг Иннинг «бутун дунёни йўқ қилиш»дан иборат орзуси амалга ошишига йўл қўймасликка чақирди, деб хабар бермоқда Reuters.
Филиппин етакчисининг таъкидлашича, у яқин вақт ичида америкалик ҳамкасби Дональд Трамп билан Корея инқирозини муҳокама қилади, шунингдек уни Пхеньяннинг Вашингтон устидан мазах қилишига "имкон бермасликка" чақиради.
Дутерте Шимолий Корея ва АҚШ ўртасидаги ихтилофни «ўйинчоқ ўйнаш»га ўхшатди.
«Йигитча ( Ким Жонг Ин) бутун дунёни йўқ қилмоқчи, шунинг учун у қувонмоқда. У нуқул илжайиб юрибди», — хулоса қилди Филиппин президенти.
Аввалроқ Жанубий Корея ва АҚШ Шимолий Корея ракета учирганидан сўнг қўшма машқларни бошлагани ҳақида хабар бергандик.