Шавкат Мирзиёев Жанубий Кореянинг янги Президенти Мун Же Инни сайловдаги ғалаба билан табриклади. Бу ҳақда Ўзбекистон Ташқи ишлар вазирлигининг матбуот хизмати маълум қилади.
"Ўзбекистон ўз ташқи сиёсатида узвийлик ва босқичма-босқичликни сақлаб қолган ҳолда келажакда ҳам Корея Республикаси билан дўстлик ва конструктив ҳамкорликни мустаҳкамлаш йўлидан боради”, дея таъкидлади давлат раҳбари.
Шавкат Мирзиёев Мун Же Инни ўзига қулай вақтда Ўзбекистонга ташриф буюришга таклиф этди.