Биринчи чоракда 50 мингдан ортиқ хорижликларга Ўзбекистонга кириш визаси берилди
11.05.2017 11:55,
1
Жорий йилнинг январь - март ойлари давомида Ўзбекистон Ташқи ишлар вазирлиги Консуллик бошқармаси ва хориждаги конуллик муассасалари томонидан 52 224 нафар чет эл фуқароларига кириш визалари берилган. Уларнинг 19 197 нафарини сайёҳлар ва 8 613 нафарини бизнесменлар ташкил этади. Бу ҳақда вазирлик маълумотларига асосланиб Туризмни ривожлантириш давлат қўмитасининг ахборот хизмати хабар беради.
Таҳлилларга кўра, ўтган йилнинг шу даврига нисбатан кириш визалари кўрсаткичи 6 фоизга ўсган. Сайёҳлик визалари ҳажми 13 фоизга ортган.
Ҳисобот даврида Ўзбекистоннинг сайёҳлик компаниялари 40 та халқаро кўргазмаларда қатнашиб, мамлакатимизнинг сайёҳлик салоҳиятини намойиш этишган.