Тадбирда ҳар доимгидек дастурий маҳсулотга асосий ўрин ажратилади. Аммо иккита қурилма ҳам кун тартибидан ўрин олганини айтиб ўтиш жоиз.
MacOS
ОС Apple номи ўзгарганлиги ҳақида илгари айтиб ўтилган. Янги macOSнинг эътиборга молик жиҳати Siri овоз ассистентини қўллашидир. Шунингдек, Apple "Фото" иловасини ҳам янгилади.
iOS 10
iOS 10нинг диққатни тортадиган тарафи янгиланган App Store 2.0 саналади. Дизайни ва "билдиришномалар" функцияси кичик ўзгаришга юз тутади. Қорайтирилган интерфейс режими татбиқ этилиши эҳтимоли бор.
Apple Music
Apple мусиқавий хизмати ҳам бошқача кўриниш олиши кутилмоқда. Дизайни ўзгаради ва интерфейси соддалашади.
MacBook Pro
MacBook Pro ноутбуклар бўғими бу йилда умуман ўзгармаган маҳсулотлар сирасига киради. Гап-сўзларга кўра, процессори, сенсор панели ўзгариши мумкин, бир эмас, тўртта USB-C улагич пайдо бўлиши эҳтимоли мавжуд. Корпус дизайни 2013 йилдан бери ўзгармаганлигига эътибор қаратсак, балки янги шаклда чиқарилади.
USB-C Display
Appleнинг ташқи дисплейи нақ беш йилдан бери ўзгаргани йўқ. Демак бугун айни пайти.
Буларнинг барчаси Apple тақдимотидан кутадиган янгиликлар тахмини эди холос. Ўз тасдиғини топадими-йўқми - бугун кечқурун аниқ бўлади.