АҚШ президенти маъмурияти КХДР томонидан учирилган ракета Россия чегараси яқинига тушганини билдирди. Оқ уй вакилининг расмий баёнотини ABC News чоп этди.

“Ракета Россия ҳудудининг ёнига, ҳақиқатда эса Япониядан кўра Россияга яқинроқ жойга тушганини ҳисобга олиб, президент (Доналд Трамп) Россия мамнун бўлишини тасаввур қила олмайди”, дейилади баёнотда.

Бу ҳол муносабати билан Оқ уй Шимолий Кореяга янада қатъийроқ санкциялар киритишга чорлади.

CNN Америка мансабдорларининг маълумотига асосланиб, ракета Владивостокдан 96,5 км нарига қулаганини ёзди.

Аввалроқ, Reuters Жанубий Корея ва АҚШ мансабдорларига хабарига таяниб, КХДР ракета учирганини хабар қилган. Агентлик ёзишича, ракета 700 кмча учган. Японияликлар хабарига қараганда ракета 30 дақиқа учиб, Шимолий Корея ва Япониянинг шарқий қирғоқларига тушган.

Япония бош вазири Синдзо Абе КХДР ракета учиришига “мамлакат учун жиддий таҳдид ва БМТ резолюциясининг ошкор бузилиши” деб баҳо берди.