Тошкентда бир кунда 4та ёнғин содир бўлди
17.05.2017 12:21,
2
15 май куни соат 08:00 дан 16 май куни соат 08:00 га қадар Тошкент шаҳрида 4 та ёнғин содир бўлди, деб хабар беради Тошкент шаҳар Ички ишлар бош бошқармаси.
Хусусан, 15 май куни соат 12:41 да Чилонзор тумани, Бешқўрғон кўчасида ёнма-ён жойлашган 3 та хонадон 200 кв.м.майдонда ёнган.
Шу куни соат 15:55 да Юнусобод тумани, Минор мавзеси 68-уй орқасида дарахт, соат 17:35 да Олмазор тумани, Чимбой даҳаси 1-уй олдидаги жар ёқасидаги 30 кв.метр майдонда чиқинди, соат 23:41 да Олмазор тумани, Қорақамиш 2/5дахаси, 1-А уй орқасидаги ташландиқ бино ичидаги 5 кв.метр майдонда чиқинди ёнган.
Ҳозирда юз берган барча ёнғинлар сабаблари ўрганилмоқда.