ОАВ: Ҳиндистонда юзлаб инсонлар иссиқдан ҳалок бўлди
20.05.2017 14:42,
10
Ҳиндистоннинг Телангана штатида жазирама оқибатида 1 апрелдан буён камида 167 киши ҳалок бўлди, деб хабар беради Deccan Chronicle нашри.
Кейинги бир неча кун давомида Теланганада ҳарорат 40 даражадан пастга тушмаяпти. Штатнинг айрим жойларида эса ҳарорат 47 даражага етган. Жазирама иссиқ яна бир неча кун давомида сақланиб туради.
Маълумотларга қараганда, 2016 йилда жазирамадан 700га яқин киши ҳалок бўлган. Ҳалок бўлганларнинг аксарияти Телангана ва Андхра-Прадеш штатлари аҳолиси бўлган.
2015 йилда эса 2,3 мингдан ортиқ киши иссиқ оқибатида ўлган бўлиб, улардан 600 нафари Телангана штатидан бўлган.