Саудия Арабистони подшоҳи Салмон бин Абдулазиз Ол Сауд 20 май куни "Ал-Ямома" подшоҳлик саройида АҚШ президенти Доналд Трамп раҳбарлигидаги Америка делегациясини қабул қилди. Саудия-Америка саммити бошланиши аввалида подшоҳ Оқ уй маъмурияти етакчисини подшоҳликнинг олий мукофоти – ҳукмрон сулола асосчиси подшоҳ Абдулазиз номидаги орден билан мукофотлади. Тантанали маросим Sky News Arabia телеканалида намойиш этилди.

Ушбу орден икки томонлама муносабатларни ривожлантиришга алоҳида ҳисса қўшган чет эл давлат раҳбарларига берилади. Мукофотга сазовор бўлганлар орасида АҚШнинг собиқ президенти Барак Обама ҳам бор.