Ўзбекистон археология институти ва Хитой ижтимоий фанлар академияси археология институти олимлари Мингтепа шаҳарчасидаги икки йиллик қазишма ишлари натижасида Монако давлати билан тенг — майдони 2 квадрат километрлик қадимий шаҳарни топишди. Бу ҳақда Dailysabah нашри хабар берди. Шаҳарда шунингдек, мақбара ва устахона қолдиқлари топилган.
Археологлар ушбу шаҳарни Буюк ипак йўлидаги зотдор отлари ва бекатлари билан машҳур бўлган Дайюань давлати билан боғлиқ муҳим аҳоли пункти деб аташмоқда.
Андижон вилоятининг Марҳамат тумани ҳудудида жойлашган Мингтепа шаҳри қадимий Довон мамлакатининг пойтахти бўлган. Ўзбекистон ва Хитой олимлари бир неча йиллардан буён мазкур қадимий шаҳарда қазув ишларини олиб боришмоқда.