АҚШда киевлик 29 ёшли Вадим Ермолович молия бозоридаги жиноий хатти ҳаракати учун 2.5 йилга озодликдан маҳрум этилди. Ушбу маълумот АҚШ прокуратураси манбасидан Рейтерс ахборот агентлиги томонидан маълум қилинган.
Маълумотда айтилишича, Ермолович расмий аммо ҳали чоп этилмаган молиявий маълумотларни ўғирлашга доир жиноий гуруҳ аъзоси эканликда айбланган.
АҚШ прокуратурасининг маълумотларига кўра, Ермолович АҚШдаги ўйинлар молиявий бозорининг энг йирик бузувчиси сифатида эътироф этилган. Бу жиноий хатти ҳаракатлар натижасида Ермолович 100 миллион доллар фойда олишга улгурган.
Ўтган йили Ермолович АҚШ суди томонидан чоп этилмаган прес релизларни ўмарганликда ва бу маълумотлардан инсайдерлик савдо сотиқларда фойдаланганликда айбланган ва у айбига иқрор бўлган эди.