Россия ТИВ вакили Қримнинг Россияга қўшиб олинишини энг олий демократия намунаси деб атади
24.05.2017 08:43,
4
Россия Федерацияси Ташқи ишлар вазирлигининг расмий вакили Мария Захарова телевидениеда жонли эфир вақтида Қримнинг Россияга қўшилишини энг олий демократия намунаси деб атади.
“Улар узоқ курашишди ва Киевнинг ўша вақтдаги ҳокимиятидан совуққина бефарқликни жавоб сифатида олишди. Аммо фурсат етиб келди ва улар ўзлари қабул қилган ўша қарорни қабул қилишди”, деди Захарова.
Унинг фикрига кўра, ўшанда ҳодисалар бошқача ривожланиши мумкин эмасди ва “осон бўлмаслигини” ҳамма тушунарди.
Аввалроқ Захарова Россияга қўшилиш қарорлари учун қримликларни Киевда кимдир жазолашга уринаётгани тасаввури шаклланаётганлигини брифингда айтганди.
Қрим яримороли 2014 йилнинг мартида ўтказилган референдумдан сўнг Россияга қўшиб олинган.