Алмазбек Атамбаев МДҲ мамлакатлари махсус хизматлари раҳбарлари билан учрашди
24.05.2017 18:40,
2
Қирғизистон президенти Алмазбек Атамбаев бугун МДҲ мамлакатлари хавфсизлик ва махсус хизматлари раҳбарлари билан учрашди. Бу ҳақда Қирғизистон президенти матбуот хизмати хабар бермоқда.
Бишкекда МДҲ мамлакатлари хавфсизлик ва махсус хизматлари раҳбарлари кенгашининг 42-йиғилиши бўлиб ўтмоқда.
Учрашув чоғида Қирғизистон раҳбари МДҲ мамлакатлари хавфсизлик ва махсус хизматлари раҳбарларини қутлади ва уларга хавфсизликни таъминлаш соҳасидаги хизматлари учун миннатдорлик билдирди.
Алмазбек Атамбаев МДҲ ҳудудидаги хавфсизлик ва барқарорлик махсус хизматларнинг ўзаро ҳамкорлигига боғлиқ эканлигини ва фақатгина биргаликдаги саъй-ҳаракатлар орқали замонавий таҳдидларга қарши самарали курашиш мумкин эканлигини қайд этди.