Ўзбекистон Марказий банки раиси Файзулла Муллажонов 23 май куни 67 ёшида вафот этган эди. Sof.uz манбасининг хабарига кўра, Марказий банк бошқаруви вазифасини вақтинча Саидкамол Хўжаев бажариб туради.
Файзулла Муллажонов 1991 йилда Марказий банк бошқаруви раиси лавозимига тайинланган эди. Лавозимда қарийб 26 йил фаолият кўрсатган. 2015 йилда АҚШнинг “Global Finance” журнали версиясига кўра, дунёнинг энг яхши миллий банк бошқарувчилари рўйхатига киритилганини алоҳида қайд этиш керак.
Саидкамол Хўжаев 1979 йилда Тошкент шаҳрида туғилган бўлиб, 2003 йилда Тошкент молия институтини тамомлаган. 2016 йилда биринчи ўринбосар лавозимига тайинланган.