Абдуҳакимов Азиз Абдуқаҳҳорович Бандлик ва меҳнат муносабатлари вазири лавозимига тайинланди. Ўзбекистон Президенти 26 май куни А.Абдуҳакимовни ушбу лавозимга тайинлаш тўғрисидаги фармонга имзо қўйди, деб хабар беради вазирлик матбуот хизмати.
Абдуҳакимов Азиз 1974 йилда Тошкент шаҳрида туғилган. Маълумоти – олий. Тошкент давлат иқтисодиёт университети ва “Хитоцубаши” университетини (Япония) битирган. 2014 йилдан буён Меҳнат ва аҳолини ижтимоий муҳофаза қилиш вазири (Меҳнат вазири) лавозимида ишлаб келади.
Хабарингиз бор, Президентнинг 24 майдаги фармонига мувофиқ, Меҳнат вазирлиги Бандлик ва меҳнат муносабатлари вазирлиги этиб қайта ташкил қилинди.