Хитойнинг Шандун вилоятидаги Вейфан шаҳрида антиқа томоша ғилдираги ишга тушди. Унда бир вақтнинг ўзида 360 киши томоша қилиши мумкин. 36 кабинанинг ҳар бирида wi-fi ва экран ўрнатилган.
Ушбу аттракционни бошқалардан ажратиб турадиган жиҳати — унинг марказида ўқи йўқлигидир. Ундан ташқари ғилдирак икки тарафлама автомобиль трассаси ўтган кўприкнинг ўртасига ўрнатилган. Томоша ғилдираги бир маротаба айланиши учун 28 дақиқа керак бўлади.
Дунёда энг баланд томоша ғилдираклари Лас-Вегасдаги High Roller v (167 метр), Cингапурдаги Fler (165 метр) ҳамда Хитойдаги Star of Nanchang (160 метр).