Путин ёмон об-ҳаво учун айбни Трампга қўйишни таклиф қилди
3.06.2017 01:39,
3
Россия президенти Владимир Путин, АҚШнинг иқлим бўйича Париж келишувидан чиқиши ҳақида гапирар экан, Москвадаги ёмон об-ҳаво учун айбни Қўшма Штатлар президенти Дональд Трампга ағдариш мумкинлиги ҳақида ҳазил қилди. Бу ҳақда «РИА Новости» хабар бермоқда.
«Дарвоқе, бугун Москвада ҳатто қор ёғибди, бу ерда эса ёмғир, бунинг учун президент Трампдан миннатдор бўлишимиз керак. Энди бунда уни ва АҚШ империализмини айблашимиз керак. Аммо биз бундай қилмаймиз», — деди Путин форумнинг пленар йиғилишида.
Илгарироқ АҚШ президенти Дональд Трамп мамлакат иқлим бўйича Париж шартномасидан чиқишини билдирган эди. Путин ҳазил тарзида америкалик ҳамкасбининг шу қарорига ишора қилди.