Пентагон: Афғонистонда АҚШнинг уч ҳарбий хизматчиси ҳалок бўлди
11.06.2017 15:31,
2
Афғонистон шарқида 10 июнь, шанба куни АҚШнинг уч нафар ҳарбий хизматчиси ўлдирилди, бир киши жароҳат олдиБу ҳақда Пентагон матбуот хизмати хабар тарқатган.
«Уч нафар америкалик аскар Афғонистон шарқида ҳалок бўлди. АҚШ Қуролли кучларининг бир аскари жароҳатланди ва тиббий ёрдам кўрсатиш учун эвакуация қилинди», — дейилган хабарда.
«ТАСС» манбаларига кўра, америкалик ҳарбийлар Нангархар вилоятида афғон аскари ҳужуми оқибатида ҳалок бўлди. Аскарнинг ўзи ўлдирилган. Қайд этилишича, Пентагон ҳодиса юзасидан текширув бошлаган.
Бу Афғонистонда маҳаллий ҳарбий хизматчилар томонидан коалиция кучларига ҳужум билан боғлиқ илк ҳолат эмаслиги билдирилмоқда.