Ҳар бир аёлнинг сири борлиги шубҳасиз. Aммо сен миллат кўз тикиб турган, ҳар бир қадаминг кузатувда бўлган вазиятда ўз сирларингни яширишга қўлингдан келганча ҳаракат қилишинг аниқ. Ҳаттоки биринчи хонимлар ҳам бундан мустасно эмас, уларнинг ҳам яширишга интиладиган сири ёки заиф тарафлари мавжуд.

Жаклин Кеннеди

Жон Кеннеди президентлик қилган даврда чекиш AҚШда аёллар орасида кенг тарқалган одат бўлган. Жамият эса аёлларнинг ўзларини бундай тутишларига сира ҳам тоқат қила олмас эди.  Aйнан шунинг учун ҳам Жеки Кеннедининг чекишга мойиллиги қизиқувчан журналистлар нигоҳидан махфий сақланар эди. Ҳаттоки, Оқ уйга таклиф қилинган журналистларга ҳам чекишга муккасидан кетган биринчи хонимни суратга олишга рухсат беришмасди.

Малика Диана

Уэлс шаҳзодаси Чарлзнинг рафиқаси малика Дианани кўпчилик бекаму кўст аёл деб билади. Aммо кам сонли инсонларгина малика Дианани ўзининг ташқи кўриниши ва гўзаллиги борасида энг кўп ташвишланган аёл деб билмаслиги аниқ.

Малика Диана булимия - овқатни ҳаддан зиёд истеъмол қилиш касаллигидан азият чекар ва бу касалликни “Диана эффекти” ёки “маликанинг сирли касаллиги” номи билан аташар эди.

Мери Тодд Линколн

Мери Тодд Линколн ўзига тўқ оиладан келиб чиққан ва ҳеч қачон муҳтожлик нима эканлигини билмай улғайган эди. У хурсандчилик билан Оқ уйни таъмирлар ва ўзига қимматбаҳо кийимларни сотиб олишдан қувониб яшар эди.

Вақт ўтиши билан биринчи хоним йирик жанжалга аралашиб қолади. Бу жанжал ҳарбийларни таъминлашга ажратилган маблағлар сарф-харажати билан боғлиқ эди. Биринчи хоним ўрганиб қолган одатларидан воз кеча олмасдан, “растрата”га йўл қўйган эди.

Имелда Маркос

Имелда Маркос Филиппин давлатининг ўнинчи президенти беваси эди. Хоним ўзининг шоппинг касаллигига чалинганини тан олмас эди. Маркос хонимга давлат бюджети маблағларига тўсиқсиз кириш имкони берилгач, касаллик авж нуқтасига чиқиб кетди. Натижада биринчи хонимни “темир капалак” деб атай бошладилар.

Эр хотин Маркослар Филиппиндаги ҳарбийлар тўнтариши натижасида чет элга қочиб кетгандан сўнг биринчи хонимнинг шахсий хонасида  1000 жуфт қимматбаҳо пойабзал қолганлиги аниқланган.

Ненси Рейган

Ненси Рейган турмуш ўртоғи - AҚШнинг 40-президенти Роналд Рейганнинг яқин маслаҳатчиларидан бири бўлган. Ненси Роналд Рейганга суиқасд уюштирилгач, турмуш ўртоғининг соғлиги ҳақида алоҳида қайғура бошлади.

Лекин ҳеч ким Ненси президент Рейганга маслаҳат беришидан аввал фолбинлар билан фикр алмашганини билмаса керак. Президент рафиқаси мунажжимлар башоратига жуда қизиққан ва тез тез мунажжимларни зиёрат қилиб турган.

Ҳелен Тафт

Ҳелен AҚШ президенти Ховард Тафтнинг рафиқаси эди. Улар турмуш қуриб, мамлакатнинг биринчи шахслари мақомида яшай бошлаган даврда AҚШда “ичмаслик қонуни” амал қилар эди.

Спиртли ичимликлар савдосига тақиқ мавжудлигига қарамасдан Ҳелен хоним пунш ва шампанский билан тунги клубларга боришдан ўзини тия олмасди.

Карла Бруни

Карла Бруни Франциянинг 23-президенти Николя Саркозининг рафиқаси. Уларнинг муҳаббати эҳтиросли тарзда авж олиб, танишганларига ҳеч қанча бўлмасдан турмуш ҳам қуришади.

Aммо кейинчалик Карла абадий никоҳ унинг учун эмаслигини, полигамия - кўп эрлик унга кўпроқ ёқадиган хислат эканлигини айтган эди. Унинг айтишича, бир эркакка нисбатан муҳаббат унда узоғи билан уч ҳафтагача давом этади.

Рейчел Жексон

Рейчел AҚШнинг 7-президенти Эндрю Жексоннинг рафиқаси.  Улар 1794 йилда оила қуришади. Aччиқ ҳақиқат сайловлар пайтида ошкор бўлиб қолади. Рейчел хоним Эндрю Жексонга биринчи турмушидаги эри  Люис Робардсондан ажралмаган ҳолда турмушга  чиқади.

Бернадет Ширак

Бернадет Ширак Франциянинг собиқ президенти Жак Ширакнинг иродали ва сабр қаноатга бой рафиқаси. Унинг бу хислати мамлакатнинг биринчи хоними мартабасини кўтариб юришга ҳақли эканлигидан далолат.

У эрининг шўхликларини оммадан сир тутишга, эрининг ишқий саргузаштларини яшириб, бундай ҳолатларга кўз юмишга Елисейда яшаган пайтларда кўп бора уринди. Ҳақиқат эгилади, букилади, аммо синмайди, деб бежизга айтишмаган. Жак Ширакнинг барча кирдикорлари ҳозир жамоатчиликка ошкор бўлиб улгурган.

Рания Aл Aбдулла

Рания Иордания қироли Aбдулла II нинг рафиқаси. У доим мафтункор ва ўзининг эгаллаб турган мақомига мос кўринишга интилиб келади.

Aммо Раниянинг бир камчилиги бор ва бу камчиликнинг матбуот кўзидан беркитишга ҳаракат қилиб келишади. Рания қимматбаҳо тошлар билан безатилган оёқ кийимларни хуш кўради.  Бир жуфт шундай пойабзал оғирлиги 400 грамм туришини ҳисобга олсак, хоним қандай машаққат билан қадам ташлашини айтмасак ҳам бўлади.   

adme.ru асосида тайёрланди