Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Америкалик сенаторлар Трампни Россияга қарши санкцияларни бекор қилиш ҳуқуқидан маҳрум қилишмоқчи
14.06.2017 12:06,  
2

АҚШ Сенати аъзолари Россияга қарши янги санкциялар жорий қилиш тўғрисидаги қонун лойиҳасини маъқуллаш бўйича келишувга эришди, деб хабар бермоқда Guardian​ нашри.

Янги қонун лойиҳасида Россияга қарши янги санкциялар жорий қилиш билан бирга, мавжуд санкцияларни Конгресс рухсатисиз бекор қилиш, енгиллашитириш ёки вақтинча тўхтатиш ҳуқуқидан АҚШ ҳукумати маҳрум қилиниши назарда тутилган.

Мазкур чоралар ўтган йилги Америка президенти сайловига аралашуви, Украина ҳудуди бўлган Қрим босиб олиниши ва Суриядаги фуқаролар урушида Башар Асад ҳукуматини дастаклагани учун Россияни «жазолаш» мақсадида қабул қилинмоқда. Шунингдек, Конгресс Эронга қарши санкциялар тўғрисидаги қонунга ҳам ўзгартиришлар киритишни мўлжалламоқда.

Янги чоралар АҚШ президенти томонидан аввал жорий қилинган санкцияларга ҳам дахл қилиши кутилмоқда. Яъни, президент қарори билан Россияга қарши жорий этилган санкциялар эндиликда фақат Конгресс розилиги билангина бекор қилиниши мумкин.

Қабул қилинажак қонунда Россиянинг кончилик, металлургия, денгиз ва темирйўл транспорти соҳаларига янги санкциялар жорий қилишга имкон беради. Қонун лойиҳаси ҳам демократлар, ҳам ресубликачилар томонидан якдиллик билан қўллаб-қувватланган. Пайшанба куни овозга қўйиладиган қонун Сенатда осонлик билан қабул қилиниши кутилмоқда.

Қонун кучга кириши учун Вакиллар палатаси томонидан тасдиқланиб, президент Трамп томонидан имзоланиши керак бўлади. Сенаторлар агар АҚШ президенти қонунни имзолашдан бош тортса, Конгрессда Трампнинг ветосини бекор қилиш учун етарлича овоз тўпланишига шубҳа қилишмаяпти.

«Мазкур қўшимча санкциялар Россия ёхуд сайловларимизга аралашишга уриниши мумкин бўлган ҳар қандай давлатга улар жазоланиши муқаррарлигини далилловчи кучли ва ҳар икки партия дастагига эга бўлган огоҳлантириш вазифасини бажаради», – дея янги қонунга изоҳ берган Демократик партия етакчиси Чак Скумер.

Ўз навбатида, Россия ҳукумати АҚШда ўтган йилнинг ноябрь ойида бўлиб ўтган сайловларга таъсир ўтказганига доир барча айбловларни рад этган. Доналд Трамп ҳам сайловдаги ғалабасига Россиядан ёрдам бўлганига оид хабарларни инкор қилган.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан