Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Жанубий Кореяда порахўр президентнинг дугонаси озодликдан маҳрум қилинди
23.06.2017 10:47,  
7

Жанубий Кореянинг собиқ президенти Пак Кин Ҳенинг дугонаси Чой Сун Шил устидан суд маҳкамаси бўлиб ўтди. Yonhap News агентлиги тарқатган хабарга кўра, Чой Сун Шил фарзандини ўқишга киритишда президентга яқинлигидан фойдалангани учун жазога лойиқ кўрилган.

Сеул Маркакий Округ Суди президент дугонасини уч йил муддатга озодликдан маҳрум қилиш ҳақида қарор чиқарган. Йирик коррупциявий можарога алоқадор бўлган Чой Сун Шилга қарши биринчи марта суд ҳукми эълон қилинмоқда. Суд мажлисида унга қарши илгари сурилган айбловлардан фақат биттаси кўриб чиқилган.

Чой Сун Шилга нисбатан 21 ёшли қизи Чонг Ю Рани Эҳва аёллар университетига ўқишга киришида дугонасининг мансабидан фойдаланиш айби қўйилган. Маълум бўлишича, Чой Сун Шил 2015 йилда қизининг ўқишга ноқонуний равишда қабул қилинишини сўраб университет маъмуриятига мурожаат қилган. Унинг президент билан алоқалар туфайли Чонг Ю Ра ўқишга қабул қилинган.

Прокурорлар Чой Сун Шилни 7 йил муддатга озодликдан маҳрум қилишни сўрашган эди. Суд Эҳва университетининг бир қатор раҳбарларини ҳам жиноят ишида айбдор деб топган ва жазога ҳукм қилган. Жумладан, университетнинг собиқ президенти Чой Кёнг Ҳи 2 йил,университет қабул комиссиясининг собиқ раҳбари Нам Кунг Гон эса 1,5 йил муддатга озодликдан маҳрум қилинган.
Чой Сун Шил ўзига қўйилган айбловларни рад этган ва қизига алоҳида эътибор кўрсатилиши ёхуд ўқишга қабул қилишларини сўрамаганини айтган. Прокурор эълон қилган айбловда эса Чой Сун Шил университет профессоридан қизининг курс ишларига яхшироқ баҳо қўйишни талаб қилгани қайд этилган.

Кенг миқёсли корруциявий жиноят ишлари доирасида Чой Сун Шилга нисбатан кўплаб айбловлар эълон қилиниши кутилмоқда. Улар орасида Самсунг компаниясидан 7,8 миллиард вон (6,85 миллион доллар) пора олишдек катта айблов ҳам бор. Самсунгнинг ижрочи директори Ли Же Ёнг ҳам ҳисбга олинган ва суд маҳкамасини кутмоқда.

Ўтган йилнинг октябрь ойида бошланган коррупциявий можаро Жанубий Кореяни ларзага солган эди. Собиқ президент Пак Кин Ҳе ваколатини суиистеъмол қилиш, порахўрлик, куч ишлатиш ва давлат сирларини сотишда айбланган. Мамлакат конституциявий суди 10 март куни Пак Кин Ҳени ваколатидан маҳрум қилган ва собиқ президент ҳибсга олинган.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан