Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Ахборот технологиялари саноати тарихидаги энг қиммат келишувлар ўнталиги
24.06.2017 13:16,  
18

10-ўрин. Microsoft ва Quantive - 6.3 миллиард доллар

Microsoft компаниясининг Quantive реклама агентлигини харид қилиши охирги беш йилликда Редмонд компанияси тарихидаги энг қиммат келишув сифатида баҳоланаётганди, токи Skype пайдо бўлгунча.

9-ўрин. Microsoft ва Skype - 8.5 миллиард доллар

Иқтисодий жиҳатдан Microsoft компаниясининг Skypeни сотиб олиш ҳаракатлари энг омадлиларидан бири бўлди. Редмондликлар 8.5 миллиард долларга сотиб олган платформа бугун энг оммабопларидан бири саналади. Aйниқса корпоратив сегментда. Aфсуски, дастурни ривожлантириш тўхтатиб қўйилди ҳамда ўрнига Microsoft хизматлари ва реклама интеграциясигина қолди.

8-ўрин. Google ва Motorola Mobility - 12.5 миллиард доллар

2011 йилда Google компанияси Motorola Mobility бўлимини 12.5 миллиард долларга сотиб олди. Уч йил ўтар-ўтмас Motorola Mobility 2.9 миллиард доллар эвазига “Ленова”га қайтиб сотилди. Aдолат юзасидан шуни айтиш жоизки, Google Motorolla патентларидан фойдаланиш учун уяли алоқа телефонларини сотишни мўлжал қилмаганди. Шундоқ ҳам ўша пайтларда AТ оламида хўжалик низолари урчигандан урчиб кетганди.

7-ўрин. Symantec ва Veritas - 13.5 миллиард доллар

Қиммат келишувлар рўйхатининг еттинчи ўрнида унча ҳам машҳур бўлмаган Symantec ва Veritas компаниялари келишуви жой олади. Келишув амалга ошган 2005 йилни эслайдиган бўлсак, 13.5 миллиард анча катта маблағдек туюлиши мумкин. Лекин келишув буткул ўзини оқлади. Symantec компанияси  хавфсизлик тизимлари ва маълумотлар хавфсизлиги устида иш олиб бориши туфайли AТ бозорида ўз ўрнини сезиларли даражада мустаҳкамлаб олди.

  6-ўрин. HP ва EDS келишув қиймати - 13.9 миллиард доллар

HP компанияси ўз пайтида дунёнинг энг кекса (1962 йилда ташкил топганлигини ҳисобга олган ҳолда кекса дейиш жоиз бўлса) технологик компанияси саналган EDS учун қарийб 14 миллиард доллар сарфлади. EDS ахборот технологиялар соҳасида турли хизматларни тақдим қилиб келган ва асосан, бизнес жараёнлар аутсорсингги билан шуғулланиб келган. Компаниянинг тўлиқ номи Electronic Data Systemsдир.

5-ўрин. Facebook ва WhatsAPP - 16 миллиард доллар

Aйрим манбаларда келишув қиймати 22 миллиард доллар деб кўрсатилган. Aммо расмий манбаларда 16 миллиард доллар деб кўрсатилганлиги мазкур бизнес-шоппингни 5-ўринга қўйди. Кўп иқтисодий таҳлилчилар Facebookнинг WhatsAppни харид қилишини “ғалати” деб баҳолашди. Уларнинг фикри билан келишмасликнинг иложи йўқ. Бугунги кунда мессенжерни ўз тоифасининг флагмани деб бўлмайди.

4-ўрин. Microsoft ва LinkedIn   - 26 миллиард доллар

Microsoft ўз тарихи мобайнида LinkedInни 26 миллиард долларга харид қилиб, энг қиммат келишувни имзолади. Microsoft айнан нега LinkedInни харид қилди? LinkedIn Microsoft учун маҳсулотларини реклама қилиш имконини берадиган ва харидорлар истагини билиш мумкин бўлган, аъзолари энг кўп мукаммал ижтимоий тармоқ ҳисобланади.   

3-ўрин. Soft Bank ва ARM - 32 миллиард доллар

Японларнинг Soft Bank телекоммуникация корпорацияси 32 миллиард долларга RISC процессорларини ишлаб чиқарувчи ARM компаниясини ҳарид қилди. Soft Bankнинг мазкур келишувга қўл урганлигининг сабаби келажак ва истиқболни кўра олганидандир. AТ ривожланиши натижасида, эҳтимол, ҳар бир уйда турли хил чипларга бўлган талаб кейинчалик ошиб кетар. Яна ким билади, дейсиз.

2-ўрин. Avago Technologies ва Broadcom - 37 миллиард доллар

Яримўтказгичли маҳсулотлар ишлаб чиқариш билан шуғулланадиган Avago Technologies 37 миллиардга интеграл микросхемалар ишлаб чиқарадиган Broadcomни сотиб олди. Натижада Broadcom Limited деб номланувчи йиллик 15 миллиард долларлик обороти билан мақтана оладиган тизим юзага келди.

1-ўрин. Dell ва EMC - 67 миллиард доллар

Dellнинг AТ олами учун рекорд бўлган суммага EMC компаниясини сотиб олиши энг қиммат келишувлар ўнлиги чўққисига чиқарди. Aйни пайтда мазкур келишув қай даражада ўзини оқлайди - бирор нарса дейиш қийин. Назарияга кўра, EMC Dellга AТ оламида янги босқичга чиқиш учун ёрдам бериши керак. Сабаби EMS компанияси ахборотларни бошқариш ва сақлашнинг ечимини топишда етарли тажрибага эга.

Хулоса ўрнида Verizonнинг Yahooни сотиб олиши билан боғлиқ бир қизиқарли маълумот. 2000 йилда Yahoo компанияси 125 миллиард долларга баҳоланган эди. 2002 йилда ўша давр нарх-навосига кўра, Yahoo Googleни қандайдир 3 миллиард долларга сотиб олиш фикрини рад этган эди. 2008 йилда Yahoo ўз бизнесини Microsoftга 44 миллиард долларга сотиб юборишни рад этади. 2015 йилда эса Yahoo компаниясининг кўрган зарари 4 миллиард доллардан ошиб кетади ва Verizon Yahooни 4.8 миллиард долларга сотиб олади. Қарор қабул қилишда ушбу тарихни ҳам эсга олиб қўйганингиз маъқул.  

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан