Шимолий Кореядагиларнинг маълум қилишича, АҚШ президенти Дональд Трампнинг “Америка ҳаммасидан устун” сиёсий принципи “XXI асрдаги миллий-социализмдир”. Бу ҳақда Корея марказий телеграф агентлиги ёзмоқда.

«‘Америка ҳаммадан юқори’ тамойили ресурслар ва ҳарбий куч ёрдамида дунё устидан ҳукмронликни тутиб туришни билдиради, Гитлернинг дунёни забт этиш концепциясини амалга ошириш чоғида ҳам худди шундай бўлган», — дейилади Корея Марказий телеграф агентлиги эълон қилган изоҳда.

Унда, хусусан, Трамп «босим ўтказиш» сиёсатини оқлаш учун барчани дўст ва душманга ажратиб, «Гитлернинг диктаторлик сиёсатига амал қилаётгани» таъкидланади. «Трампнинг фикрлаш тарзи АҚШдаги яхши ҳаёт учун бутун дунё қурбон қилиниши керак деган ақидага асосланиб, у ҳатто АҚШнинг иттифоқдошлари ва ёрдамчиларини қийин вазиятга қўйди», — дея қайд этилади хабарда.

Шунингдек, агентликнинг маълум қилишича, Трамп “Лотин Америкасидаги вазиятни ҳам мураккаблаштирган”.