Бугун Душанбеда МДҲ мамлакатлари ИИВ Кенгаши мажлиси бўлиб ўтмоқда, деб хабар қилди Тожикистон ИИВ матбуот хизмати.
ИИВК мажлисида иштирок этиш учун Тожикистон пойтахтига Озарбайжон, ИИ вазири генерал-полковник Рамиль Усубов, Беларуссия ИИ вазири милиция генерал-лейтенанти Игорь Шуневич, Қозоғистон ИИ вазири — полиция генерал-полковниги Калмуханбет Касымов, Қирғизистондан милиция полковниги Улан Исроилов, Россиядан полиция генерали Владимир Колокольцев ва Ўзбекистондан генерал-майор Абдусалом Азизовлар келишган.
Мажлисида ички ишлар вазирлари жиноятчиликка қарши кураш, тезкор қидирув фаолиятида ўзаро ҳамкорлик масалаларини муҳокама қилиши режалаштирилган. Шунингдек, халқаро террорчилик, наркотик моддаларнинг ноқонуний айланиши ва ҳуқуқни сақлаш борасидаги бошқа қўшма тадбирлар ҳақида олдин эришилган келишувларни амалга оширилиши масалалари муҳокама қилинади.