Тошкент шаҳар ҳокими Раҳмонбек Усмонов ва шаҳарнинг мутасадди раҳбарлари бугун, 28 июнь куни соат 20:00 да «Тошкент» телеканалида телетомошабинлар олдида ҳисобот беради. Бу ҳақда UzNews хабар бермоқда.

Бугунги онлайн-мулоқотда пойтахтда халқ фаровонлиги йўлида қандай ишлар амалга оширилаётгани, ҳокимлик олдига яна қандай вазифалар тургани, пойтахт аҳолисини қандай муаммолар қийнаётгани, улар қачон ва қандай ҳал қилиниши, яқин келажакда Тошкент қандай қиёфа касб этиши каби саволларга жавоб берилади.

Телетомошабинлар ўз саволларини Telegram орқали овозли ёки видеомурожаат тарзида ёки +99897 7041788 рақамига телефон қилиш орқали юбориши мумкин.

Шунингдек, телетомашабинлар 214-16-97, 214-16-98, 214-16-99 рақамларига қўнғироқ қилиб, Тошкент шаҳар ҳокимлиги раҳбарига жонли эфирда савол бериши мумкин.