Саудия Арабистони, Баҳрайн ва БАА Қатардан банк депозитлари қайтарилишини талаб қилмоқдалар
29.06.2017 10:02,
9
Саудия Арабистони, БАА ва Баҳрайн Қатардан унинг молиявий муассасаларида сақлануви банк депозитларини қайтаришни талаб қилдилар. Бу ҳақда 28 июнда Форс кўрфази давлатларидаги банк соҳасидаги юқори лавозимли манбаларга иқтибос келтирган ҳолда Al-Youm Al-Sabia нашри маълум қилди.
Mазкур давлатлар Доҳага Қатар банкларидаги қисқа муддатли омонатларини қайтариш талаби билан мурожаат этди. Гап 16 миллиард доллар ҳақида кетаётганлиги билдирилмоқда.
Қатар бозорида шундоқ ҳам АҚШ валютаси танқислиги кузатилмоқда. Амирликнинг йирик банклари жисмоний ва юридик шахслар уларга ихтиёрларидаги долларларни сотишни рағбатлантиришга қаратилган услубларини қўллай бошлагани маълум қилинди.