Ўзбекистон тарихидаги энг ёш вазир ўринбосари, 22 яшар Алишер Саъдуллаев халқаро пресс-клуб йиғилиши доирасида ўзининг янги лавозимга тайинланганлиги муносабати билан изоҳ берди ва яқин келажакдаги режалари билан ўртоқлашди.
Эслатиб ўтамиз, бир неча кун аввал Ўзбекистон президенти Тошкент шаҳридаги Сингапур менежментни ривожлантириш институтини тамомлаган Алишер Саъдуллаевни тажриба тариқасида Халқ таълими вазирининг ёшлар сиёсати бўйича ўринбосари этиб тайинлаган эди.
Саъдуллаевнинг сўзларига кўра, мактабгача таълим муассасалари болалар тарбиясида муҳим рол ўйнаши туфайли, у энг аввало мана шу масканларни ривожлантиришга эътибор қаратмоқчи.
"Бугунги кунда 5 миллиондан ортиқ инсон тақдири Халқ таълими вазирлиги фаолиятига боғлиқ, шулардан 1 миллиони — бу мактаб ўқувчиларидир, қолганлари — болалар боғчалари тарбияланувчиларидир.