Эрдўғон: Германия сиёсий жиҳатдан ўз-ўзига қасд қилмоқда
8.07.2017 22:28,
7
Туркия президенти Ражаб Тойиб Эрдўғон G20 саммитининг ниҳоясидаги брифингда Германия террорчиларга сиёсий бошпана бериб ўз жонига қасд қилаётганлигини айтди.
“Бу ерда сиёсий эркинликлар ҳақида гапириш мумкин эмас... бу айнан сиёсий жиҳатдан ўз жонига қасд қилишдир. Бу худди отган одамнинг ўзига қайтиб келувчи бумеранг кабидир”, деди Эрдўғон. Туркия президенти немис ҳукумати унга Гамбургдаги ватандошлари қаршисида нутқ сўзлашига ижозат бермаганлигини изоҳлаш асносида бу гапларни айтди.
Аввалроқ Германия Ташқи ишлар вазири Зигмар Габриэл Эрдўғоннинг Германияда истиқомат қилувчи турклар билан учрашуви кун тартибига тўғри келмаслигини маълум қилганди.