Тошкентдан Самарқандга Қозоғистон орқали олиб борадиган йўлнинг расмий очилишига тайёргарлик кўрилмоқда
10.07.2017 20:01,
1
10 июль куни Ташқи ишлар вазирлигида Ўзбекистон-Қозоғистон давлат чегарасида ўтказиш пунктларининг расмий очилиш маросимини ташкил этиш масаласи муҳокама қилинди. Пунктларнинг очилиш санаси ҳозирча номаълум.
“Оқ олтин – Селинний” ва “Малик – Сирдарё” ўтказиш пунктларининг очилиши М-39 йўлининг Қозоғистон ҳудудидаги қисмидан фойдаланишга имкон беради, деб хабар беради ТИВ матбуот хизмати.
Шавкат Мирзиёевнинг 22-23 март кунлари Қозоғистонга амалга оширган давлат ташрифига тайёргарлик кўриш доирасида дипломатик каналлар орқали Ўзбекистон билан Қозоғистон ўртасида икки давлат чегарасидан ўтказиш пунктларига доир Баённома имзоланган эди.