2 декабрь куни АҚШ Конгрессининг вакиллар палатаси мамлакатнинг 2017 йилги ҳарбий бюджетини тасдиқлади.
Ҳужжатни 375 конгрессмен қўллаб-қувватлади, 34 нафари қарши чиқди.
Мазкур ҳужжатга мувофиқ Вашингтоннинг Москва билан ҳарбий соҳада ҳамкорлик қилиши тақиқланади. Бу ҳолат “Россия Украина ҳудудини оккупация қилишни ҳамда Украина ва НАТО аъзоларининг суверенитети, ҳудудий яхлитлигига рахна солувчи тажовузкорона ҳаракатларини” тўхтатмагунга қадар давом этади.
Шунингдек, Конгресс Қримни Россия ҳудудининг бир қисми деб тан оладиган ҳар қандай фаолиятни молиялаштиришни ҳам тақиқлади.