Ўзбекистон Грузия билан транспорт соҳасида ҳамкорлик қилади
9.12.2016 10:35,
2
2016-йилнинг 7-декабр куни Ўзбекистон Республикаси Ташқи ишлар вазирлигида Грузия Ташқи ишлар вазири ўринбосари Давид Джалаганиа бошчилигидаги делегацияси билан учрашув бўлиб ўтди, деб хабар қилмоқда Ўзбекистон ТИВ матбуот-хизмати.
Хабарда айтилишича, вазирликлараро сиёсий маслаҳатлашувларнинг навбатдаги раунди доирасида сиёсий, савдо-иқтисодий, транспорт-коммуникация, маданий-гуманитар ва бошқа соҳалардаги Ўзбекистон-Грузия муносабатларининг долзарб масалалари ҳамда халқаро ташкилотлар доирасидаги ҳамкорлик муҳокама қилинган.
Музокаралар давомида ҳамкорликнинг шартномавий-ҳуқуқий асоси ҳамда уни кенгайтириш бўйича таклифлар батафсил кўриб чиқилган.
Маслаҳатлашувларда Грузия Элчиси Константин Жгенти иштирок этган.