Узоқ кутилган янги Nokia моделининг нархи маълум бўлди
13.12.2016 14:30,
48
Бундан аввалроқ сайтимизда Nokia D1C моделининг Antutu бенчмаркида эълон қилинган техник параметрлари ҳақида хабар берган эди. Афсонавий компания эса бундан бир муддат олдин 2017 йилда расман яна жаҳон бозорига қайтиши ҳақида ҳам маълум қилган. Яқинда эса Nokia D1C модели остидаги смартфон нархи ҳам ошкор этилди, деб ёзмоқда Terabayt сайти.
Манбага кўра, Nokia D1C 5 ёки 5,5 дюймли Full HD экран, Snapdragon 430 процессори, 13 ёки 16 МПли асосий ва 8 МПли олд камера билан жиҳозланади. Сўнгги ахборотда айтилишича, Nokia D1C 150 АҚШ доллари нрахида сотувга чиқарилади. Қурилма 2017 йилнинг февраль ойида ўтказиладиган MWC 2017 кўргазмасида намойиш этилади.