Uch kunlik gumanitar tanaffusdan so‘ng Rossiya va Suriya qo‘shinlari Halab shahrini yana havodan o‘qqa tuta boshladi, deb xabar bermoqda CNN telekanali.

Halabdagi gumanitar tanaffus payshanba kuni boshlangan bo‘lib, Rossiya tomonidan aholiga shaharni 8 soat ichida tashlab ketish taklif qilingan edi. Payshanba kuni boshlangan gumanitar tanaffus yakshanba kunigacha davom etgan. Tanaffus davomida ham kichik to‘qnashuvlar kuzatilgan. Rossiya rasmiylari 3 kunlik tanaffus davomida isyonchilar tomonidan 70 ga yaqin qurolli qarshilik sodir etilganini ma’lum qilgan.

Halab aholisi esa payshanba kuni tunda hukumat askarlar bir necha bor hujumga o‘tganini aytishgan. Har ikki taraf bir-birini tinch aholini evakuatsiya qilishga qarshilik ko‘rsatishda ayblagan. Rossiya OAV juma kuni qurolli muxolifat vakillari tomonidan aholining shaharni tark etishiga to‘sqinlik qilinganini xabar qilgan. Muxolifat esa odamlar shahardan chiqishda hukumat askarlari tazyiqiga uchraganini bildirishgan. 

Gumanitar tanaffus yakshanba kuni o‘z nihoyasiga yetdi. Rossiya mudofaa vazirligi gumanitar tanaffus shanba kuni o‘z nihoyasiga yetganini e’lon qildi. Halabdan olingan so‘nggi ma’lumotlarga ko‘ra, yakshanba kuni shaharni bombardimon qilish qayta boshlangan. Suriya harbiylari Rossiyaga qarashli samolyotlar ko‘magida Halab sharqini o‘qqa tutgan.