Англиянинг Эссекс графлиги, Грейс шаҳарчаси четидаги саноат ҳудудида тўхтаб турган юк машинаси рефрижератори (музлатилувчи контейнер) ичидан 39 кишининг жасади топилган эди. Улар Вьетнам давлати фуқаролари экани аниқланди. Бу ҳақда графлик полицияси маълум қилди.
Хабарда Британия полицияси Вьетнам ҳукумати билан боғлангани ва ҳамкорликда тергов ҳаракатлари олиб борилаётгани айтилган. Барча жасадларнинг шахси аниқланган.
"Қурбонларнинг барчаси Вьетнам фуқаролари экани аниқланди", деди Эссекс полицияси мулозими.
Аввалроқ қурбонларнинг хитой миллатига мансублиги хабар қилинган эди.