Январь-ноябрь ойларида Россия ва Хитой ўртасидаги савдо ҳажми 32 фоизга ўсиб, рекорд даражадаги 172,406 миллиард долларни ташкил этди. Бу ҳақда Хитой бош божхона бошқармасига таяниб, "РИА Новости" хабар бермоқда.

11 ой давомида Хитой Россияга 67,334 миллиард долларлик маҳсулот импорт қилди. Бу ўтган йилнинг шу даврига нисбатан 13,4 фоизга кўпдир. Россиядан Хитойга етказиб бериш ҳажми 47,5 фоизга ошиб, 105,072 миллиард долларга етди. Ноябрь ойида икки давлат ўртасидаги товар айирбошлаш ҳажми 18,256 миллиард долларни ташкил этди. Бутун 2021 йил учун бу кўрсаткич 146,887 миллиард долларни ташкил этди.

Умуман олганда, ноябрь ойида Хитой экспорти ҳажми йиллик ҳисобда 8,7 фоизга камайиб, 296,1 миллиард долларни ташкил қилди.

Хитой Европа Иттифоқи билан савдо ҳажми сезиларли даражада пасайганидан кейин Россиянинг асосий савдо шеригига айланди. Экспертларнинг фикрича, жорий йилнинг июнь, июль ва август ойларида Россиянинг ЕИ билан савдо айланмаси 43 фоизга, Хитой билан эса 23 фоизга ўсган.

Аммо Хитой пасайган ҳажмларни тўлиқ қоплай олмади. Умуман олганда, ушбу даврда Россия импорти йиллик ҳисобда 24 фоизга камайди. "Ғарб санкциялари, шубҳасиз, Россия иқтисодиётига қаттиқ таъсир қилади ва аҳолининг истеъмол қилиш имкониятларини сезиларли даражада чеклайди", деди Kiel Trade Indicator раҳбари Винсент Стамер.