Ўзбекистонда жисмоний шахсларга тегишли бўлган 2,5 млндан ортиқ автотранспорт воситалари мавжуд. Бу ҳақда Давлат статистика қўмитаси ахборот хизмати раҳбари Усмон Абдурасулов маълум қилди.
Маълум бўлишича, 2020 йилнинг 1 январь ҳолатига кўра, жисмоний шахсларга тегишли бўлган автотранспорт воситаларининг сони 2 580 133 тани ташкил этади.
Мазкур автотранспорт воситаларидан:
- Енгил автомобиллар – 2 410 421 та
- Юк автомобиллари – 150 294 та
- Автобуслар – 5 072 та
- Микроавтобуслар – 10 590 та
- Махсус транспортлар – 3 756 та
2020 йил 1 январь ҳолатига республика ҳудудларида энг кўп Самарқанд (311 997 та), Тошкент (253 073 та) ва Фарғона (243 230 та ) вилоятлари аҳолисида автотранспорт воситалари мавжуд.