Буюк Британия қироличаси Елизавета II вафотидан кейин унинг сурати туширилган нақд пул ва тангалар янги қирол Чарлз III портретига алмаштирилади, бироқ бу дарҳол амалга ошмайди. Бу ҳақда Bloomberg манбаси хабар бермоқда.
Англия банки Елизавета II сурати туширилган пуллар Буюк Британия ҳудудида қонуний тўлов воситаси бўлиб қолишини таъкидлади ва Қироллик зарбхонаси ҳам буни тасдиқлади. Мотам давом этар экан, тангалар худди шу режимда зарб қилинади.
Ўқинг қизиқ: Қўшма Штатлар Россия нефтини денгиз орқали ташиш тақиқланганини эълон қилди.
Aйни пайтда муомалада 82 миллиард фунт стерлинг (95 миллиард доллар) қийматидаги 4,7 миллиард купюра ва тахминан 29 миллиард танга бор, шунинг учун қиролича тасвири туширилган пуллар узоқ йиллар давомида муомалада бўлиши мумкин. Бироқ, улар аста-секин Чарлз III нинг сурати билан алмаштирилади.
Қиролича тасвири туширилган бошқа мамлакатларнинг валюталари – Австралия, Канада ва Белиз долларлари ҳам янгиланади, бироқ бу янада кўпроқ вақт олади. Янги Зеландия захира банки Чарлз акс этган янги тангалар пайдо бўлишидан олдин қиролича тасвирланган тангаларнинг тўлиқ захирасини чиқаришини айтди.
Ўқинг қизиқ: “Ҳалиям ёш боласизда, Умиджооооон!”.
Бир қатор мамлакатлар узоқ вақтдан бери қироличанинг пулга туширилган суратидан воз кечишган. Масалан, Ямайка 1962 йилда Британиядан мустақилликка эришгач, қоғоз банкнотларда қиролича ўрнига Маркус Гарви каби миллий қаҳрамонлар портрети туширилган. Сейшел ва Бермуд оролларида пулда табиат тасвирланган, Тринидад ва Тобагода эса гербдан фойдаланилган. 1997 йилда Буюк Британия ўз мустамлакасини Пекинга қайтарганидан сўнг муомалага чиқарилган Гонконг долларларида Хитой аждаҳолари ва осмонўпар бинолар тасвирланган.
Эслатиб ўтамиз, Буюк Британия қироличаси Елизавета II 8 сентябрь куни 96 ёшида вафот этди.