Киевдаги телеминора яқинидаги портлашларда ускуна хонаси шикастланган, — дея хабар бермоқда BBC news.

Украинанинг радиоэшиттириш, радиоалоқа ва телевидение концерни Киевда телеминора яқинида портлашлар содир бўлганини, бу эса Россия зарбалари натижаси эканлигини айтди.

«Ўқ отиш натижасида жиҳозлар хонаси шикастланган. Эшиттириш каналлари вақтинча ишламайди. ПРТ концерни ҳудудларда эшиттиришни қайта тиклаш чораларини кўрмоқда», - дейилади хабарда.

Мамлакат Маданият вазирлиги бунинг оқибатида ҳеч ким шикастланмаганини маълум қилди. Бироқ ФВВ 5 киши ҳалок бўлганини ёзди.