АҚШ Мудофаа вазирлиги ИШИД гуруҳининг Афғонистон шўбасининг Абу Сайид исмли раҳбари ўлдирилганини эълон қилди, дея хабар бермоқда Reuters агентлиги.
Пентагон вакили Дана Уайт эълон қилган баёнотда айтилишича, Абу Сайид ўтган ҳафтада Афғонистоннинг Кунар вилоятидаги ИШИД базасига амалга оширилган ҳаво ҳужумидан ҳалок бўлган. Ҳужум оқибатида гуруҳнинг ибр қанча бошқа аъзолари ҳам йўқ қилинган.
Абу Сайида 2016 йилнинг июль ойидан бери ўлдирилган ИШИДнинг Афғонистондаги учинчи раҳбари ҳисобланади. Абу Сайид жорий йилнинг 27 апрел куни Нангарҳар вилоятида гуруҳнинг олдинги етакчиси Абдулҳасиб АҚШ ва Афғонистон ҳарбийларининг қўшма амалиёти натижасида ўлдирилгандан сўнг раҳбарликка келган эди.
Унинг ўтмишдоши Ҳафиз Сайид Хон эса 2016 йилда АҚШ ҳарбийларнинг дрон ҳужумида ҳалок бўлган. ИШИДнинг Афғонистондаги бўлими “Хуросон ислом давлати” деб ҳам аталади. ИШИД жангарилари 2015 йилдан бери Афғонистонда ҳукумат кучлари ва толибларга қарши курашиб келади.
Аввалароқ, АҚШнинг Афғонистондаги қўшини раҳбарларидан генерал Жон Николсон