Ucell мижози Ўзбекистон Республикаси Президенти виртуал қабулхонасига шикоят қилиб, компаниядан автомобиль ёки уй совға қилинишида кўмак берилишини сўраган.
Ucell мижози ўз туғилган кунида компания номидан қуруқ табрикнома жўнатилганига норозилик билдирган.
"Бир неча миллион долларлик устав фондига эга Ucell оддий бир қуруқ смс юборса, бу кулгули эмасми? Мен Ўзбекистонда ишлаб чиқарилган автомобилни ҳайдашни бир умрлик орзуим ёки намунавий типда қурилаётган уйга эгалик қилишни орзу қиламан. Сиздан илтимос менинг устимдан кулган Ucell президентини истеъфога чиқаришингизни ва Ucell томонидан автомобиль ёки намунавий уйдан ҳадя этишига амалий ёрдам беришингизни сўрайман", - деб ёзган шикоятчи.
Виртуал қабулхона ушбу мурожаат кўрмасдан қолдирилганлигини маълум қилган.