Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Келажакда шаҳар автомобиллари қандай бўлади?
6.07.2016 07:10,  
1883

Ҳаттоки, Car2Go/Car2Come билан Daimler, DriveNow билан BMW, Lyft билан GM машиналарида мижозларга хизмат кўрсатилиши компанияга даромад келтирадиган бўлади.

Келажак автомобилининг қиёфаси қандай?

Бу саволга аниқ жавобимиз йўқ, чунки келажак автосининг қиёфаси сизнинг қаерга боришингизга боғлиқ. Машинага кўп одам жойлашиши лозим бўлса, каттакон автомобиль хизматидан фойдаланасиз. Ўнқир-чўнқирликлараро йўл юришингизга тўғри келса йўлтанламасни танлайсиз. Тоққа чиқмоқчи бўлсангиз ҳам кроссовер афзал, аммо бозорга кроссоверни миниб бормайсиз. Соҳилбўйида дам олишга очиқ ҳавода йўл олсангиз, кабриолет маъқул. Табиат қўйнига отланганда эса трейлерга ўтирасиз.

Автомобиль дизайни ўзгариши тўғрисида кўп ва хўп сўзлаш мумкин. Аммо бугун ҳайратланарли даражада содда ва арзон дизайнга эга машиналар ҳақида баён қиламиз. Бу автомобиллар келажак шаҳарларида энг оммалашган транспортга айланади. Бир одам шаҳар бўйлаб қисқа сафарга чиққанда шундай автомобилдан фойдаланади. Бу тахлит машиналарнинг жами босган масофаси шаҳардаги барча автомобиллар босган йўлнинг қарийб ярмига тўғри келади.

Каттами кичик?

1-2 кишига мўлжалланган автомобиль ихчам ўлчамда бўлади. Узунлиги бир ярим метр, энсизлиги учун тор оралиқдан бемалол ўта оладиган ва автотураргоҳда осонгина жойланадиган шаклда бўлади.

Энсиз автомобиль тез бурила олмайди, кенг машина йўлда турғунроқдир. Аммо буни ҳал этишнинг баъзи йўллари бор.

Ғилдираклари бир-биридан мустақил тарзда ўрнатилади ва машина мотоцикл сингари бурчак остида бурилади. Бу яхши ечим, бироқ қўшимча харажат талаб қилади. Яна бир йўли – икки ғилдиракли русум яратиш. Аммо тик ҳолатини сақлаши учун бунга ҳам қўшимча механизмлар ўрнатишга тўғри келади.

Дарвоқе, келажак машинаси электр билан озиқланади. Полда жойлашган батареялари оғирлик маркази пастда бўлишини таъминлайди.

Тезюрар йўлларда бу машина юрмайди, шунинг учун ўта юқори тезликда бурилиши тақозо этилмайди. Ҳаракатланиш чоғида автоматик тизим машина мувозанати бузилишига йўл қўймайди.

Аэродинамика… йўқ

Анъанавий автомобиллардан кенглиги икки баробар озлиги туфайли аэродинамик жиҳатдан ютади. Йўлтанламас версиясида эса аэродинамиканинг ўзи йўқ, чунки тез юришга эҳтиёж йўқ. Тезкор шосседа юрадиган машина томчи шаклида ясалади.

Энг самарали ва хавфсиз дизайн, дарҳақиқат, томчи шаклидир. Бунда йўловчилар, орқага қараб ўтиришига тўғри келади. Гарчи йўловчилар бундай ўтиришни унча ёқтирмаса ҳам тўқнашув пайтида зарар етмайди.

Барчаси электрли

Кирага оладиган машинам нимага юради, дея ташвиш қилманг. Келажак транспорти яшил энергияга юради. Табиат ифлосланиши муаммоси тобора кун тартибидан ўрин олар экан, машиналар электрлашуви муқаррардир.

Электрли двигатель ғоят содда тузилган, “ичак-чавоқлар”и ўзимизнинг ички ёнув двигателли автомобилникидан кам. Унга хизмат кўрсатиш осондир. Текис ва шовқинсиз ишлайди. Аккумуляторлар нархи пасайиши билан электромобиллар баҳоси ҳам тушади.

Содда ва ҳамёнбоп

Электромоторнинг деталлари ички ёнув двигателиникидан бирмунча оздир. Автомобилнинг бизга таниш қисмлари ҳам кўздан йўқолади. Келажак машинасига “ғилдираги бор ўриндиқли қути” деб таъриф бериш мумкин.

Машина жуда содда корпусга эга. Саёҳатчиларга мўлжалланган авторусумларнинг ойнаси кенг бўлади.

LIDARли ўзи бошқарилувчи машинанинг фаралари бўлмайди, йўлдаги бошқа машиналар кўриши учун кичик чироқчалари бор холос. Чунки қоронғу йўлда эмас, фақат шаҳар йўлида юришга мўлжалланган. Электромобилга радиатор панжарасининг ҳожати йўқ.

Машина ичида роботлашган датчикларни маҳкамлаш жойлари бор. Ён ойна ва орқани кўриш ойнасига эҳтиёж қолмайди.

Камтарона салон

Ўриндиқлар ҳашамдор бўлиши мумкин, бироқ ўрнидан сурилмайди. Қисқа масофага бориш учун бунга эҳтиёж йўқ. Аммо айрим автомобилларда бу имконият мавжуд, шунингдек, тирсакқўйгичларни қотириб қўйиш мумкин.

Машинанинг юкхонаси йўқ, лекин майда-чуйдаларни оёқ остига жойласангиз бўлади. Салонда тахланувчи стол ва экран бўлади. Машинанинг смартфон билан алоқа ўрната оладиган кичкина компьютери бўлиши мумкин.

Бардачок йўқ, чунки шахсий буюмларингизни унда олиб юрмайсиз. Ўрнига кичик жавонча бор. Жавонча ичида зарурий буюмлар, жумладан, сочиқ, салфетка, буклет, дориқути бўлади.

Ускуналар панели йўқолади. Машина билан алоқани ўз телефонингиз воситасида ўрнатасиз. Машинанинг ихчам планшети орқали асосий маълумотни оласиз ва ҳаракатни бошқарасиз. Бироқ хавфсизлик нуқтаи назаридан шахсий смартфонингиз ва автомобиль ўртасидаги алоқа чеклангандир.

Бундан ташқари, келажак автомобилида фавқулодда вазиятларда бошқариш учун рул ёки жойстикка ўхшаш мослама ўрнатилиш эҳтимоли бор. Ҳар эҳтимолга қарши мосламалар, шаҳардан ташқарида юрганда зарур бўлувчи қўшимча қурилмалар ўрнатилади.

Акустик тизими-чи? Эртага йўловчи бугунгидан кўра роҳатланиб мусиқа тинглайди, чунки электромобилнинг двигатели шовқинсиз ишлайди. Кичик сабвуфер ва қулоқчин хизматга мунтазир.

Чўнтакни умуман чақмайдиган автомобилларда на экран, на қулоқчин бўлади, аммо йўловчини манзилга элтиш вазифасини қойиллатиб бажаради. Автомобиль тиқинида қолмайсиз. Асл мақсад ҳам шу эмасми?

Иқлим назоратчиси ўрнига роботакси ғаройиб ечимни таклиф қилади. Муз ёки бошқа совутгич восита (хладагент) ёрдамида салон совушига эришилади. Қисқа сафар мобайнида буни сезмайсиз. Бироқ батареяни сўрувчи кондиционердан кам жойи йўқ.

Энг қизиғи, электрли такси кичкина бўлгани учун анъанавий машиналар сиғмайдиган айрим биноларга киришга рухсат берилади.

Машинанинг осмаси ўзгаради. Албатта, қиммат русумларнинг осмаси яхшироқ бўлади, биз назарда тутаётган таксиларники эса оддийроқ. Умуман олганда, келажакнинг шаҳар автомобилларида ҳаракатланувчи қисмлар оз, кўзимиз ўрганган машинага умуман ўхшамайди. Енгил, электрли ва самарадор бўлади.

Бундай автомобиль хизматидан фойдаланиш таксидан ҳам арзонроққа тушади.

манба: carzone.uz

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан