Тўлаганов Шавкат Обиджонович Президентнинг ижтимоий-иқтисодий сиёсатни мувофиқлаштириш бўйича Давлат маслаҳатчисининг биринчи ўринбосари лавозимига тайинланди. Шавкат Мирзиёев 7 августда тегишли фармонни имзолади.
Шу муносабат билан Тўлаганов Ўзбекистон Ташқи савдо вазири ўринбосари лавозимидан озод этилган.
Шавкат Тўлаганов (1964 й.т.) Тошкент давлат техника институти ва Тошкент давлат иқтисодиёт университетини тамомлаган. 1995-2005 йилларда "Ўзавтоаноат" АК бўлим бошлиғи, бошқарма бошлиғи, бошқарув раиси ўринбосари бўлиб ишлаган. 2005-2008 йиллар давомида иқтисодиёт вазири ўринбосари лавозимида фаолият юритган.
2008 йил 30 апрелдан Ташқи савдо вазири ўринбосари (аввалги Ташқи иқтисодий алоқалар, инвестициялар ва савдо вазирилиги) ишлаб келаётганди.