Латвия пойтахти Рига шаҳрида жорий йилнинг 28-30 август кунлари Латвия-Ўзбекистон мамлакатлари ўртасида бизнес форум ўтказилди, деб хабар бермоқда “Ўзбекозиқовқатхолдинг” Sof.uz нашрига.
Ушбу форум доирасида “Ўзбекозиқовқатхолдинг” ХК вакиллари томонидан озиқ-овқат соҳасида бир нечта йўналишлар бўйича музокаралар олиб борилди. Бунинг натижасига кўра, Рига шаҳрида Ўзбекистон -Латвия савдо уйи очилиши келишиб олинди.
Шунингдек, Европанинг барча мамлакатлари, Скандинавия ва Болтиқбўйи давлатларига Ўзбекистондан келтирилган озиқ-овқат маҳсулотларни сақлаб ва етказиб берувчи логистика маркази “ҳуб” ишга туширилади. Бундан кўзланган асосий мақсад Европа мамлакатлари савдо пеш-тахталарини Ўзбекистоннинг сархил мевалари ва бошқа озиқ-овқат маҳсулотлари билан таъминлашдир
Яна бир маълумот- Жиззах вилоятида қаттиқ турдаги пишлоқ маҳсулотларини ишлаб чиқарувчи корхонани очиш бўйича меморандум имзоланди.